«Алдағы парламент сайлауы ел тәуелсіздігін нығайту жолындағы кезекті қадам боларына сенемін. Сайлауды жоғары демократиялық стандарттар негізінде ұйымдастырып, қоғамның 100% сенімін қамтамасыз етуге ниеттіміз. Үміткерлерге қойылатын талаптар мен сайлауды өткізу ережелері Конституциямыз бен сайлау заңнамасында жазылған», - деді ведомство басшысы.

Сонымен қатар, Е.Ыдырысов сайлауға 11 халықаралық ұйымнан халықаралық байқаушылар және 19 елдің орталық сайлау комитетінің өкілдері шақыртылғанын атап өтті.

Өз кезегінде, Б. Фрлец еліміздегі сайлауды бақылауға уақытында шақырғаны және миссияның жұмысы үшін қолайлы жағдай жасағаны үшін алғыс білдірді. ЕҚЫҰ ДАҚБ миссиясы Парламент Мәжілісі депутаттарының сайлауын бақылауға ресми түрде 17 ақпанда кірісті.

Кездесу соңында тараптар алдағы кезеңде сындарлы және тығыз ықпалдастыққа дайын екенін растады. 

Абай-ақпарат