«الداعى پارلامەنت سايلاۋى ەل تاۋەلسىزدىگىن نىعايتۋ جولىنداعى كەزەكتى قادام بولارىنا سەنەمىن. سايلاۋدى جوعارى دەموكراتيالىق ستاندارتتار نەگىزىندە ۇيىمداستىرىپ، قوعامنىڭ 100% سەنىمىن قامتاماسىز ەتۋگە نيەتتىمىز. ۇمىتكەرلەرگە قويىلاتىن تالاپتار مەن سايلاۋدى وتكىزۋ ەرەجەلەرى كونستيتۋتسيامىز بەن سايلاۋ زاڭناماسىندا جازىلعان»، - دەدى ۆەدومستۆو باسشىسى.

سونىمەن قاتار، ە.ىدىرىسوۆ سايلاۋعا 11 حالىقارالىق ۇيىمنان حالىقارالىق بايقاۋشىلار جانە 19 ەلدىڭ ورتالىق سايلاۋ كوميتەتىنىڭ وكىلدەرى شاقىرتىلعانىن اتاپ ءوتتى.

ءوز كەزەگىندە، ب. فرلەتس ەلىمىزدەگى سايلاۋدى باقىلاۋعا ۋاقىتىندا شاقىرعانى جانە ميسسيانىڭ جۇمىسى ءۇشىن قولايلى جاعداي جاساعانى ءۇشىن العىس ءبىلدىردى. ەقىۇ داقب ميسسياسى پارلامەنت ءماجىلىسى دەپۋتاتتارىنىڭ سايلاۋىن باقىلاۋعا رەسمي تۇردە 17 اقپاندا كىرىستى.

كەزدەسۋ سوڭىندا تاراپتار الداعى كەزەڭدە سىندارلى جانە تىعىز ىقپالداستىققا دايىن ەكەنىن راستادى. 

اباي-اقپارات