Қазақстанның Тәуелсіздігін тәрк етуді аңсайтын «топ» туралы қазақстандық БАҚ аз жазып жатқан жоқ. Әсіресе, «орыс әлеміне» өле құмартып, Қазақстанның Ресей құрамына қосылуын көздеп әлеуметтік желілерде посттар жазып жүргендердің түр-түсін жұрт жақсы таниды десек те, Мемлекетіміздің тәуелсізідігі мен еліміздің тұтастығына күмән келтіріп жүргендерді ҚР Бас прокуратурасы мен ҰҚК  назарға ілер емес.

Жақында «ресейшіл» топтың белді өкілі Ерлан Есеналиев деген азамат өзінің «Фейсбук» желісіндегі парақшасында «Қазақстан мемлекет емес, корпорация. Оның басшысы Британияның жалдамалы менеджері» деп жазыпты.

Бұл өз кезегінде ҚР Конституциясы мен Қылмыстық және әкімшілік кодекстеріндегі ережелерді өрескел бұзу болып табылатынын ескерсек, ҚР Бас прокуратурасы мен ҰҚК қайда қарап отыр деген заңды сұрақ туады.

Нұрзат Тоғжан

Abai.kz