Астана Моңғолиядағы су тасқынынан зардап шеккендерге көмектеседі
Қазақстан Моңғолияның Баянөлгей қаласында болған су тасқынынан зардап шеккен отбасыларға гуманитарлық көмек береді. Бұл туралы республика премьер-министрі Кәрім Мәсімов твиттердегі блогында мәлімдеді.
Шамамен 150 мың этникалық қазақ тұратын Баянөлгейдегі табиғи апат 10 шілдеде тіркелді. Су тасқыны жүзден астам үйді қиратып кетті, 700-ге жуық адам баспанасыз қалды. Екі адам қайтыс болды.
Мәсімов Астананың гуманитарлық көмек көлемі туралы ештеме жазған жоқ, көмектесу туралы нұсқауды Қазақстан президенті Нұрсұлтан Назарбаев бергенін ғана атап өтті.
Абай-ақпарат
