Полицияның хабарлауынша, оқиға жарым түнде болған. Қазіргі таңда қылмыстық іс қозғау мәселесі шешіліп жатыр, ал қолға түскен мигранттар Ресей аумағынан шығарылады.

Полиция қақтығысқа нақты қанша адам қатысқаны туралы мәлімет таратпады, бірақ оқиға куәгерлері төбелеске ондаған адам қатысты деп отыр. Бірқатар жергілікті басылымдардың хабарлауынша, туған күн мерекесін тойлаған масаң жұмысшылар жатақхана комендантының ескертуіне наразылық көрсетіп, соның арты жаппай төбелеске ұласқан.

Осыдан екі апта бұрын ғана дәл осы Кудрово қыстағында еңбекші мигранттар төбелесіп қалған еді. 27 шілде күні кешкісін Орталық Азия жұмысшылары мен дағыстандықтар қақтығысты. Куәгерлердің айтуынша, жүзге жуық адам қатысқан төбелесте арматура, таяқ, тас қолданылып, травматикалық қару даусы естілген. Жаппай төбелеске қатысқан жиырма шақты адам қамауға алынған еді.

Абай-ақпарат