ШЫҰ-ның қорғаныс министрлері бас қосқан жиынға келген Сергей Шойгу Ресей жалға алып отырған жерлердің қолданылмайтын аумағы  жалдық сипат ауқымынан  шығарылып, Қазақстанға қайтарылатынын айтты.  

«Біз Қазақстанның өтініштерін ескердік. Басты нәтиже ретінде республика аумағында Ресей қорғаныс министрлігі сынақ полигондары үшін жерді жалға алу және пайдалану туралы келісім хаттамаларының күшіне енуін айтуға болады. Біз Қазақстан жаққа қадам жасап, 1,7 млн гектар жер учаскесін арендадан шығардық», - деп атап өтті С. Шойгу кездесу барысында.

Бұдан бөлек Ресей Ембі сынақ алаңын да қайтаруға қарсы емес көрінеді.

«Осы жұмыстың жалғасы ретінде Ембі полигоны бойынша хаттама дайындауға келістік. Осылайша Қазақстанның халық шаруашылығына тағы 300 мың гектардан астам жер қайтарылатын болады», - дейді РФ қорғаныс министрі.

Ресми БАҚ С. Шойгу мен И. Тасмағамбетов кездесуінде бұдан басқа өңірлік қауіпсіздік, қорғаныс саласындағы біріккен жобалар жайы сөз болғанын жазуда дейді Qamshy. kz сайты.

Абай-ақпарат