شىۇ-نىڭ قورعانىس مينيسترلەرى باس قوسقان جيىنعا كەلگەن سەرگەي شويگۋ رەسەي جالعا الىپ وتىرعان جەرلەردىڭ قولدانىلمايتىن اۋماعى  جالدىق سيپات اۋقىمىنان  شىعارىلىپ، قازاقستانعا قايتارىلاتىنىن ايتتى.  

ء«بىز قازاقستاننىڭ وتىنىشتەرىن ەسكەردىك. باستى ناتيجە رەتىندە رەسپۋبليكا اۋماعىندا رەسەي قورعانىس مينيسترلىگى سىناق پوليگوندارى ءۇشىن جەردى جالعا الۋ جانە پايدالانۋ تۋرالى كەلىسىم حاتتامالارىنىڭ كۇشىنە ەنۋىن ايتۋعا بولادى. ءبىز قازاقستان جاققا قادام جاساپ، 1,7 ملن گەكتار جەر ۋچاسكەسىن ارەندادان شىعاردىق»، - دەپ اتاپ ءوتتى س. شويگۋ كەزدەسۋ بارىسىندا.

بۇدان بولەك رەسەي ەمبى سىناق الاڭىن دا قايتارۋعا قارسى ەمەس كورىنەدى.

«وسى جۇمىستىڭ جالعاسى رەتىندە ەمبى پوليگونى بويىنشا حاتتاما دايىنداۋعا كەلىستىك. وسىلايشا قازاقستاننىڭ حالىق شارۋاشىلىعىنا تاعى 300 مىڭ گەكتاردان استام جەر قايتارىلاتىن بولادى»، - دەيدى رف قورعانىس ءمينيسترى.

رەسمي باق س. شويگۋ مەن ي. تاسماعامبەتوۆ كەزدەسۋىندە بۇدان باسقا وڭىرلىك قاۋىپسىزدىك، قورعانىس سالاسىنداعى بىرىككەن جوبالار جايى ءسوز بولعانىن جازۋدا دەيدى Qamshy. kz سايتى.

اباي-اقپارات