Қазақстан дамыған, бәсекеге қабілетті 50 елдің қатарына кіруге ұмтылып келеді. Осы мақсатта елімізде экономиканы әртараптандыруға арналған көптеген бағдарламалар жүзеге асырылды. Бұл туралы «rgmedia.kz» сайты хабарлайды.

Соңғы жылдары Қазақстан астықтан мол өнім жинап, мал шаруашылығынан көптеген көрсеткіштерге қол жеткізді. Қазақстан республика көлемінде халықты азық-түлікпен қамтамасыз етіп қана қоймай, алыс-жақын шетелдерге де өнімдерін экспорттай бастады. Дегенмен, Қазақстанға бұдан да зор көрсеткішке қол жеткізуге болады. Бұл үшін шаруаларға, диқандарға түсіндіру жұмыстары дұрыс жүргізілуі керек. Бұл жұмысты «Ашық әкімдік» жобасы аясында еш қиындықсыз жүзеге асыруға болады. «Ашық әкімдік» - қызметті оңтайландыруға бағытталған. Осы жоба арқылы арнайы мамандарға онлайн режимде сауал жолдауға болады. Президент тапсырмасы бойынша, арнайы мамандар, жоғары лауазым иелері тұрғындардан келіп түскен сауалға міндетті түрде жауап беруі керек. Және бұл сұрақ-жауап форматында ресми веб-сайтта, әлеуметтік желілерде жарияланы тиіс. Яғни, халық назарына ұсынылуы маңызды. Осыған дейін облыс әкімі онлайн конференция өткізген болатын. Сонда өңір басшысына Мәди есімді азамат көкейінде жүрген сұрақты жіберіп еді, көп күттірмей жауап алды.  

Сұрақ: Сәлеметсіз бе құрметті облыс әкімі! Менде келесідей сұрақ бар. 2016 жылы субсидияланатын минералды тыңайтқыштар бола ма?

Әкім тарапынан жауап: Құрметті Тайсалов Мәди! Білдірген ой-пікіріңізге рахмет. Отандық тыңайтқыштарды сатып алған тауар өндірушіге 50%-ына дейін, шетелдік тыңайтқыштарын сатып алған тауар өндірушіге 30 %-ына дейін субсидия төленетін болады. Халыққа қызмет көрсету орталығына немесе ауыл шаруашылығының арнайы орындарына барып, субсидия алуға өтініш бере аласыз. 

Абай ақпарат