قازاقستان دامىعان، باسەكەگە قابىلەتتى 50 ەلدىڭ قاتارىنا كىرۋگە ۇمتىلىپ كەلەدى. وسى ماقساتتا ەلىمىزدە ەكونوميكانى ارتاراپتاندىرۋعا ارنالعان كوپتەگەن باعدارلامالار جۇزەگە اسىرىلدى. بۇل تۋرالى «rgmedia.kz» سايتى حابارلايدى.

سوڭعى جىلدارى قازاقستان استىقتان مول ءونىم جيناپ، مال شارۋاشىلىعىنان كوپتەگەن كورسەتكىشتەرگە قول جەتكىزدى. قازاقستان رەسپۋبليكا كولەمىندە حالىقتى ازىق-تۇلىكپەن قامتاماسىز ەتىپ قانا قويماي، الىس-جاقىن شەتەلدەرگە دە ونىمدەرىن ەكسپورتتاي باستادى. دەگەنمەن، قازاقستانعا بۇدان دا زور كورسەتكىشكە قول جەتكىزۋگە بولادى. بۇل ءۇشىن شارۋالارعا، ديقاندارعا ءتۇسىندىرۋ جۇمىستارى دۇرىس جۇرگىزىلۋى كەرەك. بۇل جۇمىستى «اشىق اكىمدىك» جوباسى اياسىندا ەش قيىندىقسىز جۇزەگە اسىرۋعا بولادى. «اشىق اكىمدىك» - قىزمەتتى وڭتايلاندىرۋعا باعىتتالعان. وسى جوبا ارقىلى ارنايى ماماندارعا ونلاين رەجيمدە ساۋال جولداۋعا بولادى. پرەزيدەنت تاپسىرماسى بويىنشا، ارنايى ماماندار، جوعارى لاۋازىم يەلەرى تۇرعىنداردان كەلىپ تۇسكەن ساۋالعا مىندەتتى تۇردە جاۋاپ بەرۋى كەرەك. جانە بۇل سۇراق-جاۋاپ فورماتىندا رەسمي ۆەب-سايتتا، الەۋمەتتىك جەلىلەردە جاريالانى ءتيىس. ياعني، حالىق نازارىنا ۇسىنىلۋى ماڭىزدى. وسىعان دەيىن وبلىس اكىمى ونلاين كونفەرەنتسيا وتكىزگەن بولاتىن. سوندا ءوڭىر باسشىسىنا ءمادي ەسىمدى ازامات كوكەيىندە جۇرگەن سۇراقتى جىبەرىپ ەدى، كوپ كۇتتىرمەي جاۋاپ الدى.  

سۇراق: سالەمەتسىز بە قۇرمەتتى وبلىس اكىمى! مەندە كەلەسىدەي سۇراق بار. 2016 جىلى سۋبسيديالاناتىن مينەرالدى تىڭايتقىشتار بولا ما؟

اكىم تاراپىنان جاۋاپ: قۇرمەتتى تايسالوۆ ءمادي! بىلدىرگەن وي-پىكىرىڭىزگە راحمەت. وتاندىق تىڭايتقىشتاردى ساتىپ العان تاۋار وندىرۋشىگە 50%-ىنا دەيىن، شەتەلدىك تىڭايتقىشتارىن ساتىپ العان تاۋار وندىرۋشىگە 30 %-ىنا دەيىن سۋبسيديا تولەنەتىن بولادى. حالىققا قىزمەت كورسەتۋ ورتالىعىنا نەمەسە اۋىل شارۋاشىلىعىنىڭ ارنايى ورىندارىنا بارىپ، سۋبسيديا الۋعا ءوتىنىش بەرە الاسىز. 

اباي اقپارات