Назарбаев ресми сапармен Біріккен Араб Әмірліктеріне барды
Қазақстан президенті Нұрсұлтан Назарбаевтың Біріккен Араб Әмірліктеріндегі екі күндік ресми сапары басталды. Мемлекет басшысы Абу-Даби ханзадасы Мұхаммед бин Заид әл-Нахайянмен, мемлекет қайраткерлерімен және осы елдің іскер топ өкілдерімен кездеседі.
Қазақстанның Абу-Дабидегі елшісі Қайрат Лама Шарифтің "Егемен Қазақстан" газетіне хабарлауынша, екі мемлекет арасында туризм, қаржы және энергетика салаларындағы әріптестік туралы келісім-шарттарға қол қойылады.
"Қазіргі таңда Әмірліктер араб және мұсылман әлемінде Қазақстанның сенімді серігіне айналды", - деп мәлімдеді Қайрат Лама Шариф.
16 қаңтарда Нұрсұлтан Назарбаев Абу-Дабиде "Болашақтың қуаты" халықаралық саммитіне қатысады. Қазақстан президенті 2017 жылы бірінші мәрте шетелге ресми сапармен шықты.
Абай-ақпарат
