ТАРАЗДА МЕМЛЕКЕТТІК ҒИМАРАТТАР ӨРТЕНІП ЖАТЫР
Тараз қаласында әкім аппаратының ғимараты өртеніп жатыр. Бұл туралы Tengrinews.kz жаңалығы Жамбыл облысы ТЖД-іне сілтеме жасап хабарлады.
"Өрт әзірше ауыздықталған жоқ. Оқиға орнында өрт сөндіру қызметкерлері жұмыс істеп жатыр. Ғимараттағы адамдар эвакуацияланды. Желтоқсан мен Сүлейменов көшелерінің қиылысындағы 9 қабатты ғимарат әкім аппаратына тиесілі. Онда студенттік емхана мен кеңселер бар. Өрт туралы хабарлама 16.42-де келіп түсті. Алдын ала мәлімет бойынша, өрт электр сымдарының тұйықталуынан екінші қабатта шыққан. Алты адам зардап шекті - екеуі күйікпен, төртеуі газбен уланғандықтан ауруханаға жеткізілді", - деді облыстық ТЖД баспасөз хатшысы Сәуле Мұнтаева.
Абай-ақпарат
