Шымкент. 28 қырқүйек. ҚазТАГ – Сейсенбі күні Шымкентке ҚР президенті Нұрсұлтан Назарбаев жұмыс сапарымен барады деп жоспарланған, деп хабарлайды Оңтүстік Қазақстан облысы әкімдігінің баспасөз қызметі. Түстен кейін мемлекет басшысы ОҚО облыс орталығына Тараздан келеді.

«Мемлекет басшысы қаланың орталығындағы Неке сарайын ашуға қатысып, бірқатар өнеркәсіп нысандарын аралайды деп жоспарланған», - деп хабарлайды ОҚО әкімдігінің баспасөз қызметі.

Аймақта президентке көрсету жоспарланған нысандардың қатарында қазір бұрынғы фосфор зауытының аумағында құрылып жатқан Шымкенттің индустриалды аймағы бар. Бұдан басқа, Н. Назарбаев «Оңтүстік» арнайы әлеуметтік экономикалық аймағында болып, биыл жазда елді индустрияландыру бағдарламасына арналған телекөпір барысында іске қосылған мақта өңдеуші екі кәсіпорынның жұмысымен танысады.

Бұрын хабарланғандай, сейсенбі күні таңертең Н.Назарбаев Таразда бизнес-форумға қатысады, онда президентке аймақтың алдағы бес жылға даму бағдарламасы таныстырылады. Оның барысында шетелдік компаниялармен меморандумдарға қол қойылады.

СОндай-ақ, мемлекет басшысы Жаңатас металлургия зауытын, облыстың бірқатар әлеуметтік нысандарын аралайды.