Ресей лидері Путин «Қырымның Ресейге қосылуына бір жыл» митинг-концертіне қатысты. Бұл туралы BBC жазды. Қара нөпір елдің алдында бой көрсеткен Путин: «Ресейдің қай қашанда Орыс пен Украинды бір халық деп санайтынын, өзінің қазір де солай деп ойлайтынын» мәлімдеген.

Оның сөзіне сай: «Украинаны қазіргідей жағдайға жеткізген адамға әлі объективті баға берілетін болады». Ал Ресей болса, өз кезегінде «екі ел қатынасының қайта қалпына келуі үшін» бәрін де жасауға дайын.

Сондай-ақ, Путин Қырымның жай ғана Ресейге тиесілі территория емес, Ресейлік рухтың қайнар көзі екенін айтқан.

Жергілікті жердің құқық қорғау органдары хабарлағандай, Мәскеу орталығында өткен митингке 110 мыңдай адам жиналған.

Нұрғали Нұртай

Abai.kz