8-НАУРЫЗ КҮНГІ ТІЛЕК
Жырға әсем тұнған бақтар,
Сырласқан қызғалдақтар,
Алыста жанған жалын,
Табысқан армандарым,
Сегізінші наурызбенен!
Аялар боталарын,
Саялар апаларым,
Көңілі – көл дегенің,
Мейірлі жеңгелерім,
Сегізінші наурызбенен!
Сырғалы өрімдерім,
Ибалы келіндерім,
Басымнан арылмас бағым,
Ғашық жан –
қарындастарым,
Сегізінші наурызбенен!
Ақтаған орамалын,
Баптаған бала жанын,
Сағынсаң паналарың,
Асыл жан аналарым,
Сегізінші наурызбенен!
Нұрлы түнгі аспаным,
Құрбы-құрдастарым,
Ханым мен ханшаларым,
Қалың ел – баршаларың,
Сегізінші наурызбенен!
Төреғали ТӘШЕНОВ.
Abai.kz
