Қазақстанның «Центркредит» банкі  пен «Каспи банк» Грузиядағы сепаратистерді қолдайтын саясат ұстанып отыр ма? Осы банктердің ресми сайттарында грузин аймақтары - Абхазия мен Оңтүстік Осетия - дербес мемлекеттер ретінде көрсетілген. Мен қателескен
банкирлерге жаңсақ ақпаратын түзету жөнінде өтінішімді жолдадым. Бірақ,
олар түзетуден бас тартты. Сепаратизммен күресу және достас Грузиямен
қарым-қатынастарымызды одан әрі нығайту үшін мынадай зиянды ақпаратты
банк сайттарынан алып тастату керек деп білемін. Оның көшірмелерін осы хатпен
бірге жариялап отырмын.

Жаман айтпай, жақсы жоқ. Ресей отаршылдары Украинамен соғысудан есін
жиып, үш-төрт жылдан кейін "Петропавл халық республикасы" немесе "Павлодар
халық республикасы" сияқты сепаратистік аймақтарды құруға тырысуы әбден мүмкін.
Сонда бұлар қайтпекші?

Данияр НАУРЫЗ.

Абай.kz