«Жол картасына» байланысты жұмыстар өңірімізде биыл да қарқын алып отыр. Осы бағытта атқарылып жатқан іс-шаралар жө­нін­де газет тілшісі облыс­тық жұмыспен қамту және әлеуметтік бағдарламаларды үйлес­тіру басқармасы­ның бастығы Т.Сапаровпен әңгімелескен еді.

- Табылғали Сатқалиұлы, Елбасының «Жол картасы» бағдарламасы бойынша биыл облыста қандай басты жұмыстар атқарылды, алдымен осыған тоқталсаңыз?

- Халықты жұмыспен қамтып қана қоймай, дағдарыстан кейінгі кезеңде тұрақты даму үшін жағдай жасауды көздейтін аталмыш бағдарлама өткен жылы бастау алып, жақсы нә­ти­желерге жеткізсе, ол биыл да сәтті жалғасып отыр. Атап айтқанда, 2010 жылы Батыс Қазақстан облысында «Жол картасын» жүзеге асыруға

5498,4 млн. теңге қа­рал­са, со­ның ішінде 60 ин­вес­­ти­ция­лық жобаға - 4705,2 млн. теңге, мұның

3128,0 млн. тең­ге­сі рес­пу­б­ликалық, 1577,2 млн. теңгесі жергілікті бюджеттен, «Жастар тәжірибесі» мен әлеуметтік жұмыс орындары бағдарламасын кеңейтуге ел қазынасынан 312,0 млн. теңге және кадрларды даяр­лау, қайта оқыту және біліктілігін арттыруға 481,2 млн. теңге  бөлінді.

«Жол картасына» байланысты жұмыстар өңірімізде биыл да қарқын алып отыр. Осы бағытта атқарылып жатқан іс-шаралар жө­нін­де газет тілшісі облыс­тық жұмыспен қамту және әлеуметтік бағдарламаларды үйлес­тіру басқармасы­ның бастығы Т.Сапаровпен әңгімелескен еді.

- Табылғали Сатқалиұлы, Елбасының «Жол картасы» бағдарламасы бойынша биыл облыста қандай басты жұмыстар атқарылды, алдымен осыған тоқталсаңыз?

- Халықты жұмыспен қамтып қана қоймай, дағдарыстан кейінгі кезеңде тұрақты даму үшін жағдай жасауды көздейтін аталмыш бағдарлама өткен жылы бастау алып, жақсы нә­ти­желерге жеткізсе, ол биыл да сәтті жалғасып отыр. Атап айтқанда, 2010 жылы Батыс Қазақстан облысында «Жол картасын» жүзеге асыруға

5498,4 млн. теңге қа­рал­са, со­ның ішінде 60 ин­вес­­ти­ция­лық жобаға - 4705,2 млн. теңге, мұның

3128,0 млн. тең­ге­сі рес­пу­б­ликалық, 1577,2 млн. теңгесі жергілікті бюджеттен, «Жастар тәжірибесі» мен әлеуметтік жұмыс орындары бағдарламасын кеңейтуге ел қазынасынан 312,0 млн. теңге және кадрларды даяр­лау, қайта оқыту және біліктілігін арттыруға 481,2 млн. теңге  бөлінді.

«Жол картасы» төрт ин­вестициялық бағыт бойынша жүзеге асырылуда. Мұның біріншісі: тұрғын үй-коммуналдық шаруашылық жүйесін қайта жаңарту және дамыту - 25 жо­ба 2 346,0 млн. теңгеге (рес­публикалық бюджет - 1525,7 млн. теңге, жергілікті бюджет - 820,4 млн.  тенге); екіншісі: жолдарды жөндеу, қайта жаңарту және салу - 4 жоба 757,4 млн. теңгеге (РБ - 542,7 млн. теңге, ЖБ - 214,6 млн. теңге); үшіншісі: мектептерді, ауруханалар мен басқа да әлеуметтік нысандарды жөндеу және жылыту - 21 жоба 1348,4 млн. теңгеге (РБ - 899,3 млн. теңге, ЖБ - 449,0 млн. теңге); төртіншісі:  қала мен кент-ауылдардағы ауылдық округтердегі басымдық бағыттағы әлеуметтік жобаларды қар­жыландыру - 10 жоба 239,8 млн. теңгеге орындалмақ.

Биылғы тамыздың 1-іне дейін қаржы жоспары бойынша

3708,5 млн. теңге бөлініп, соның 3593,6 млн. теңгесі игерілді немесе 98,5%. Инвестициялық жобаларды жүзеге асыру барысында 5083 жаңа жұмыс орны ашылып, соның арқасында

3495 адам еңбекке тартылды.

- Дегенмен өткен жылға қарағанда, биылғы «Жол картасының» ерекшеліктері қандай, нендей мәселелерге баса көңіл бөлінуде?

- Шынында да, биылғы «Жол картасы» тұрғын үй-коммуналдық шаруашылық жү­йесін қайта жаңарту және дамыту бағытындағы жобалардың көбеюімен ерекшеленеді. Ай­талық, бес бірдей жылумен қамту, төрт арналық кәріз, үш сумен қамту, Сырым, Қаратөбе аудандарын газбен қамту, үш электрмен жабдықтау, тоғыз абаттандыру нысандары бойынша жұмыстар атқарылуда. Сонымен қатар биылғы 60 жобаның 27-сі облыс орталығында жүзеге асып жатқандықтан,  қаладағы нысандарға жетіспей жатқан жұмысшылар аудандардан тар­тылды. Ауданнан келгендер үшін қолайлы жағдай жасалды, яғни жатын орны, түскі тамақпен қамтылып, басқа да шығындары өтеледі.

Әлеуметтік жұмыс орындары және «Жастар тә­жі­ри­бе­сі» бағдарламасына рес­пу­б­­ликалық бюджеттен 312 млн. теңге бөлінді дедік. Қалалық, аудандық жұмыспен қамту жә­не әлеуметтік бағдарламалар бөлімдерінен келіп түскен мә­ліметтер бойынша 379 ұйым-кәсіпорынмен әлеу­мет­тік жұмыс орындарын ашу­ға келісімшарт жасалып, оларға 1773 адам жі­берілген. Қаржыландыру жос­­па­ры­на сәйкес бөлінген 119,7 млн. теңге толықтай игеріліп отыр. «Жастар тәжірибесі» бойынша 981 түлек жолданып, қаржы жоспарына сәйкес бөлінген

51,1  млн. теңгенің 50,6 млн. теңгесі игерілді немесе 99,0%.

- Тағы бір сауал, жалпы, облыста халықты жұмыспен қамту мәселесі қалай шешілуде, меже орындалып отыр ма?

- Әрине, халықты жұмыспен қамту, аз қамтылған топтарды әлеуметтік қорғау, олардың өмір сүру деңгейін жоғарылату мәселелері күн тәртібінен түспек емес. Осы бағытта әлеуметтік бағдарламалар да қолға алынып келеді. Мәселен, «Жол картасымен» қатар Батыс Қазақстан облысы халқын жұмыспен қамтудың 2008-2010 жылдарға арналған бағдарламасы биыл қорытындыланбақ. Жыл басынан бері 13152  адам жұмысқа орналасу жөнінде өтініш жасаса, соның 9854-і өз орнын тапты. Экономиканың түрлі саласында 8969 жаңа жұмыс орны ашылса, соның 4319-ы ауылдық жерлердің еншісінде. Облыс бойынша бос жұмыс орындары ҚР Еңбек және әлеуметтік қорғау министрлігінің сайтына орналастырылып, апта сайын жаңартылып отырылады.

Әлеуметтік жұмыс орында­рын ашудың аты айтып тұрғанындай, бұл әлеуметтік қорғауды қажет ететін адамдарға арналады, сонысымен де нәтижелі болып отыр. Мұндай орындар­ға жұмыссыздар мемлекеттік ме­­­ке­­­ме­­лер­мен қатар меншік ны­­са­­ны­на қарамастан, басқа да кәсіпорын-ұйымдарға жі­­бе­ріледі. 2010 жылғы тамыздың 1-іне дейін ашылған әлеуметтік жұмыс орындарына 2490 адам, соның ішінде 717-сі аймақтық бағдарлама бойынша жолданды. Жергілікті бюджет есебінен кадрларды даярлау, қайта оқыту және біліктілігін арттыруға 842 адам жіберілді. Бұдан бөлек еңбек нарығында сұраныс артып отырған мамандықтар бойынша кәсіби даярлау, қайта оқыту және біліктілігін арттыру ісі жұмыс берушілердің қаражаты есебінен де «Қайырымдылық-қолдау» қоғамдық бірлестігінің көмегі арқылы жүргізіліп келеді.

Жұмыссыздарды жұмыспен қамту ауылдық округтерде де жалғасуда, мұнда жыл басынан бері 681 адам еңбекпен қамтылды. Олардың 252-сі жұ­мысқа орналастырылса, 73-і тә­жірибеден өтуге жолданды. Шетелдік компаниялардың қар­жысы есебінен жұмыссыздар есебінен 356 адам кәсіби және қайта даярлықтан өтті.

Адамдарды қоғамдық жұ­мыс­тарға жіберіп, уақытша жұ­мыспен қамтамасыз ету де маңызды. Қоғамдық жұмыстарға 4776 адам жіберілсе, соның 77,1%-ы ауылдық жерлерден.

Осы жұмыстардың нә­ти­же­сінде 2010 жылғы та­мыздың 1-іне дейін ресми тіркелген жұ­мыс­сыз­дар­­дың деңгейі 2009 жылғы шілденің 1-індегі көрсеткішпен  салыстырғанда 0,3 пайызға тө­мендеп, 0,7 па­йызды құрады.

Қорыта айтқанда, өңірде аса маңызды міндет - халықты жұмыспен қамту ісі жоспарлы түрде жүргізіліп келеді.

- Әңгімеңізге рақмет.

Әңгімелескен

Ғайса БӘЙМЕН.