Қазақстан Президенті Нұрсұлтан Назарбаев Қырғызстандағы президенттік сайлауда халықтың басым дауысына ие болып, жеңіп шыққан Сауранбай Жиенбековке құттықтау жеделхатын жолдады. Бұл туралы "Ақорданың" ресми сайты хабарлады.

Қазақстан Президенті жеделхатта Сооронбай Жээнбековтің басшылығымен Қырғызстан өзінің қарқынды даму жолында жаңа табыстарға жететініне сенім білдірді.

«Қазақстан мен Қырғызстан арасындағы өзара тиімді ынтымақтастыққа негізделген қарым-қатынас елдеріміздің игілігі үшін одан әрі дами түседі деп сенемін.

Сізге зор денсаулық, жауапты мемлекеттік қызметіңізде табыс, ал бауырлас қырғыз халқына бейбіт өмір мен бақ-береке тілеймін», – делінген жеделхатта.

Abai.kz