22 жастағы Дурбектің бұл орталықта қамалып отырғанына екі айдан асқан.

"10 қазанда мені өзге ұсталғандармен ФСБ қызметкерлері осы жерге әкелді. Сосын бізді миграция заңын бұзды деп соттады. Бізге қандай да бір құжатқа қол қоюымызды сұрады. Осыдан кейін он күн ішінде Ресейден кетуіміз керек болған. Біз билетті де сатып алып, дайын отырғанбыз. Бірақ бізге кетуге рұқсат жоқ деді", – дейді Дурбек.

Дурбектің айтуынша, таяуда ғана шетелдіктерді уақытша ұстау орталығынан 35 Өзбекстан азаматын ресей-қазақ шекарасына жіберген. Алайда оларды да еліне қайтуға рұқсат бермеген.

Ресейдің адам құқықтары жөніндегі уәкілі Татьяна Москалькова үкіметтен мигранттарға елдеріне қайту үшін қаржылай көмек көрсетуін сұраған. Омбудсменнің сөздерінше, мемлекеттік бюджеттен бөлінетін қаржының жетіспейтіндігінен, шетелдіктерді отанына депорациялау процесі ұзаққа созылып жатыр.

Abai.kz