Жаңа 2018 жыл жақындап келедi. Жуық арада бұл мерекеге дайындық басталады. Жыл сайын Петропавлда жаңажылдық безендiруге бюджеттен ақша бөлiнiп келдi. Облыстық әкiмдiктiң отырысында өңiр басшысы Құмар Ақсақалов қала басшылығына бұл мақсатқа қаржы бөлмеудi тапсырды деп хабарлайды http://sko.gov.kz сайты. 

«Қалада былтырғы шыршалар, иллюминациялар мен гирляндтар бар. Соларды қолдану керек. Мұз қалашықтарын демеушiлердiң көмегiмен салуға болады. Бiзге бюджеттiк қаражатты жұмсау тәжiрибесiн тоқтатқан жөн», — деп атап өттi Құмар Ақсақалов.

Облыс әкiмiнiң айтуынша, үнемделген қаржы қаланы абаттандыруға бағытталу қажет.

Абай-ақпарат