Қарағанды облысында 45 жолаушысы бар автобус аударылып қалды
![](http://abai.kz/content/uploads/2018/01/CCCDEC8A-2C19-4BC0-B1E1-A361F4B9ABDD_cx34_cy19_cw66_w1023_r1_s.jpg)
Қарағанды облысындағы күре жолда 45 жолаушысы бар автобус аударылып қалды. Автобус Егіндібұлақ - Қарағанды бағытымен келе жатқан.
Жол апатынан үш адам зардап шекті, олар Ботақара қыстағындағы ауруханаға жеткізілді. Қалған жолаушылар Шешенқара ауылына орналасты.
Төтенше жағдайлар жөніндегі комитеттің ресми өкілі Руслан Иманқұловтың хабарлауынша, жол апаты Қарағанды-Аягөз-Бұғаз күре жолында болған, Setra маркалы автобус аударылып қалған.
Жол апатына не себеп болғаны белгісіз, бірақ 11 қаңтарда республиканың алты аймағында, соның ішінде Қарағанды облысында ауа райының бұзылуына байланысты қозғалыс шектелген еді.
Abai.kz