Ақтөбедегі жағдайдан соң Қырғызстан билігі автобустарды тексере бастады
Қырғызстан билігі ішкі және халықаралық рейстерге шығатын жолаушы автобустарын тексеріп жатыр. Бұл туралы қырғыздың жол және көлік министрі Жамшитбек Калилов мәлімдеді.
Оның айтуынша, мұндай шешім Қазақстанда 52 адамның қазасына алып келген жол апатынан соң қабылданған. Мамандар көліктердің техникалық жағдайын тексеріп жатыр. Талаптарға сай емес көліктерге қатысты шара қолданылады.
18 қаңтарда Қазақстанның Ақтөбе облысындағы тас жолда Өзбекстан азаматтарын Қазан қаласына тасыған автобус жанып кетті. 57 жолаушының бесеуі ғана тірі қалды. Автокөлікті қолдану талаптарын бұзуға қатысты қылмыстық іс қозғалды.
Abai.kz
