Кабулдағы шабуылдан бірнеше америкалық қаза тапқан
АҚШ Мемлекеттік департаменті 21 қаңтарда Кабулдағы Intercontinental қонақ үйіне жасалған террорлық шабуыл құрбандары арасында Құрама Штаттар азаматтары болғанын ресми түрде растады.
Шабуыл кезінде ғимаратта Германия, Грекия, Украина және Қазақстан азаматтары болғаны бұған дейін хабарланған еді.
АҚШ Мемлекеттік департаментінің қызметкері терактіден нақты қанша америкалық қаза тапқанын айтпады.
Бірақ AP агенттігі Ауғанстан астанасындағы шабуылдан бірнеше америкалық қаза тапқанын хабарлады.
Агенттіктің Кабулдағы ресми тұлғаларға сілтеме жасай отырып хабарлауынша, террористік шабуылдан 22 адам қаза тапты, солардың 14-і - шетел азаматы.
Abai.kz
