Өзбекстанда көлікті жалға беру қызметі ашылады
Өзбекстанның туризмді дамыту комитеті Ташкент, Бұхара, Самарқанд және Хорезм шаһарларында тәжірибе ретінде көлікті жалға беру қызметі ашылатынын мәлімдеді.
Мекеменің баспасөз қызметінің мәліметінше, көлік жүргізушісіз белгілі бір уақытқа (бірнеше сағаттан бірнеше айға дейін) жалға беріледі. Туристер көлікті жалға алу үшін төлқұжатпен бірге халықаралық көлік жүргізу куәлігі болуы шарт.
Өзбекстан азаматтары да көлікті 30 күнге дейін нотариалдық рәсімдеусіз жалға ала алады.
Abai.kz
