Мемлекеттік телеарнада және Асадтың Telegram мессенджерінде таратылған суретте Сирия лидерінің әскери киімдегі бір топ адамның ортасында тұрғанын көруге болады. Әскерилердің кейбірі танкте отыр. Telegram таратқан суретте "Президент Асад Шығыс Ғутада соғыс ортасында Сирия араб армиясымен бірге" деген жазу бар.

Соңғы аптада Сирия үкіметінің әскері 2012 жылдан бері оппозиция бақылайтын Шығыс Ғутада ірі соғыс операциясын жалғастырып жатыр. Адам құқықтарын бақылау жөніндегі сириялық мониторинг орталығының мәліметі бойынша, Асад әскері аумақтың 80 пайызын қайтарып алған.

Батыс елдері мен БҰҰ Сирия мен Ресейді соғысты тоқтатуға шақырды. БҰҰ бас хатшысы Антони Гуттериш бұл әрекетті "жерде тозақ орнатты" деп атады.

Abai.kz