Өзбекстанмен шекаралас Турсунзаде ауданының тұрғыны Азим Муродовтың 25 наурызда айтуынша, шекарада енді жаңа тәртіп орнаған. «Бұған дейін бізге көрші елге ішкі төлқұжатпен баруға рұқсат беретін, енді шекарашылар бұлай жасауға болмайтынын айтты», - деді ол.

Муродовтың шетелге шығатын биометрикалық төлқұжат жасатауына қаражаты мен уақыты жоқ. «Шекаралас аймақ тұрғындары көрші елге қонақ болуға емес, тауар әкеліп, аз-маз пайда табу үшін барады. Сол себепті билік бізге жеңілдіктер қарастыруы керек», - деді Азим Муродов.

Дәл осындай қиыншылыққа Соғды облысына қарасты Канибадам ауданының тұрғындары кезіккен.

Тәжікстан мен Өзбекстан арасында жақында келісілген тәртіп бойынша, екі ел азаматтары көрші елге шетел төлқұжаттарымен ғана өте алады.

Тәжікстан тұрғындары шетелге шығу төлқұжаттын жасату құны (шамамен 90 доллар) қымбат екеніне шағымданған.

Abai.kz