Елбасы ҚХА төрағасының орынбасары Леонид Прокопенконы қабылдады
Елбасы Қазақстан халқы Ассамблеясы төрағасының орынбасары, хатшылық меңгерушісі Леонид Прокопенконы қабылдады, деп хабарлайды Ақорданың баспасөз қызметі.
Кездесуде Мемлекет басшысына Қазақстан халқы Ассамблеясының XXVI сессиясын өткізуге әзірлік барысы жөнінде баяндалды.
Л.Прокопенко Нұрсұлтан Назарбаевқа ұйымдастыру-дайындық жұмыстарының нәтижелері, сондай-ақ Қазақстан халқы Ассамблеясы Кеңесінің кеңейтілген отырысының қорытындысы бойынша қабылданған шешімдер туралы мәлімдеді.
Кездесу соңында Елбасы бірқатар нақты тапсырма берді.
Abai.kz
