Грек-рим, еркін және әйелдер күресінен 2019 жылғы Әлем чемпионаты (лицензиялық) елордамыз Астанада өтетін болып белгіленді. 

2019 жылы 14-22 қыркүйек аралығында өтеді деп жоспарланып отырған әлем біріншілігінде балуандар жүлдеге ғана емес, 2020 жылы Токиода өтетін Олимпиада ойындарының жолдамасына да таласатын болады. Әлем чемпионатында ( олимпиадалық салмақ дәрежелерінде) үздік алтылыққа енген балуандар Олимпиада жолдамасына ие болады.

Ең қызығы осыған дейін Әлем чемпионаты Алматы қаласында өтеді деп хабарланған болатын. Алайда, Астана қаласы күтпеген жерден чемпионатты өткізу құқығын Алматының қолынан тартып әкетті. Мөлшері, мұндай шешімнің қабылдануына ел билігінің әсері болған секілді.

Айта кетейік, Күрестен ғаламдық дода қазақ елінде тұңғыш рет өткелі отыр.

Abai.kz