Кейінгі кезде О.Кореяға кетіп жұмыс істегісі келетіндер мен сол жақта жұмыс істейтін таныстары барлар көбейді. Кезінде шетке кетіп жұмыс істейтін қазақ жоқ деп мақтанушы едік. Ал соңғы 2-3 жылда экономикамыздың нашарлағанынан екінің бірі «чемоданное настроениемен» жүр.

Сыртқы істер министрлігінің мәліметінше, 2018 жылдың 1 қаңтар - 31 тамыз аралығында Кореяға келген Қазақстан азаматтарының саны - 38 575 адам, шілдедегі жағдай бойынша 19 011 адам заңды тіркелсе, 11 561 адам заңсыз иммигранттар екен. Демек, 11 мыңнан аса Қазақстан азаматы шетелде қаңғып, гастарбайтер болып жүр. Корея үкіметі 2019 жылдың 31 наурызына дейін 6 ай ішінде ешқандай штраф пен санкциясыз елге қайтуға мүмкіндік беріп отыр. Онысына да рақмет!
⠀
Мені алаңдатып отырғаны - биыл 7 айдың ішінде 11 мыңнан аса нелегал азаматымыз шетелде жүргені. Алдыңғы жылдары жыл бойы барғандардың өзі қазіргі көрсеткіштен төменірек еді. Мысалы, 2017 ж 7217 адам, 2016 ж 3238 адам. Жыл сайын 2 есеге өтіп жатыр. Басқа қай елге қазақтар кетіп, жұмыс істеп жүр? 

Нұрлан Жанайдың facebook парақшасынан

Abai.kz
⠀
⠀