كەيىنگى كەزدە و.كورەياعا كەتىپ جۇمىس ىستەگىسى كەلەتىندەر مەن سول جاقتا جۇمىس ىستەيتىن تانىستارى بارلار كوبەيدى. كەزىندە شەتكە كەتىپ جۇمىس ىستەيتىن قازاق جوق دەپ ماقتانۋشى ەدىك. ال سوڭعى 2-3 جىلدا ەكونوميكامىزدىڭ ناشارلاعانىنان ەكىنىڭ ءبىرى «چەموداننوە ناستروەنيەمەن» ءجۇر.

سىرتقى ىستەر مينيسترلىگىنىڭ مالىمەتىنشە، 2018 جىلدىڭ 1 قاڭتار - 31 تامىز ارالىعىندا كورەياعا كەلگەن قازاقستان ازاماتتارىنىڭ سانى - 38 575 ادام، شىلدەدەگى جاعداي بويىنشا 19 011 ادام زاڭدى تىركەلسە، 11 561 ادام زاڭسىز يمميگرانتتار ەكەن. دەمەك، 11 مىڭنان اسا قازاقستان ازاماتى شەتەلدە قاڭعىپ، گاستاربايتەر بولىپ ءجۇر. كورەيا ۇكىمەتى 2019 جىلدىڭ 31 ناۋرىزىنا دەيىن 6 اي ىشىندە ەشقانداي شتراف پەن سانكتسياسىز ەلگە قايتۋعا مۇمكىندىك بەرىپ وتىر. ونىسىنا دا راقمەت!
⠀
مەنى الاڭداتىپ وتىرعانى - بيىل 7 ايدىڭ ىشىندە 11 مىڭنان اسا نەلەگال ازاماتىمىز شەتەلدە جۇرگەنى. الدىڭعى جىلدارى جىل بويى بارعانداردىڭ ءوزى قازىرگى كورسەتكىشتەن تومەنىرەك ەدى. مىسالى، 2017 ج 7217 ادام، 2016 ج 3238 ادام. جىل سايىن 2 ەسەگە ءوتىپ جاتىر. باسقا قاي ەلگە قازاقتار كەتىپ، جۇمىس ىستەپ ءجۇر؟ 

نۇرلان جانايدىڭ facebook پاراقشاسىنان

Abai.kz
⠀
⠀