Әділ сайлауға қашан жетеміз?
АҚШ-та бүгін Сенат пен Конгреске аралық сайлау өтеді. Яғни, Сенаттың үштен бірі мен Өкілдер палатасы түгелімен қайта сайланады.
Президентіне вето қоя алатын Сенат пен Конгрестің АҚШ саяси өміріндегі ролін ескерсек, бұл республикашылардың лидері Трамп үшін өте-мөте қиын әрі жауапты сын. Партиясының Конгрестегі басымдығынан айрылып қалу қаупі төніп тұр.
Өзінің Демократиялық партиясының басты медиатұлғасы Обама боп, екеуі бір-бірімен кәдімгідей айтысып жатыр. Трамп өз билігін пайдаланып, Обаманы қудалап, жиын өткізуге рұқсат бермей немесе, үстінен қылмыстық іс қозғап, түрмеге жауып жатқан жоқ.
Міне, нағыз саяси өмір, бәрі жанды әрі табиғи. Осындай сайлаулар арқылы тың идеялар, жаңа тұлғалар дүниеге келіп жатады. Нәтижесінде қоғам дамиды, алға жылжиды. Тоқырауға ешбір жол жоқ!
Ал бізде болса, баяғы жартас - сол жартас.
Өтірік, көзбояушы сайлаулар.
Президенттің, оның партиясының жасанды, қуыршақ қарсыластары.
27 жыл бойына "саяси рухани жаңғыруымыздың" бір жемісі сол - күллі жұрт "сайлау" десе, күліп қарайды, оның шынайылығына ешкім де сенбейді!
Осы саяси скепсис жұрттың мемлекетке деген сенімсіздігін туғызады. Ол болса, Тәуелсіздік пен ұлттық хауіпсіздік үшін ең басты қауіп!
Әміржан Қосанның facebook парақшасынан
Abai.kz
