АҚШ мемлекеттік хатшысының қарулануды бақылау жөніндегі орынбасары Андреа Томпсон 6 желтоқсанда Ресей қолданбақ зымыранның таралу аумағы 5500 шақырымға дейін жетеді деп мәлімдеді.
Осыған дейін АҚШ-тың Мәскеудегі елшісі Вашингтон зымырандар жөніндегі келісімге қатысты Ресейді сенімді әріптес ретінде көрмейді деп атап өткен. Джон Хантсманның сөзінше, Ресей келісімді орындауға ниетті екеніне ыңғай танытпаған. Дипломат АҚШ Мәскеумен келісімді сақтау үшін соңғы бес жылда 30 рет талқылағанын айтты.
Қазан айында АҚШ президенті Дональд Трамп Вашингтон зымырандар жөніндегі келісімнен шығуға ниетті деп мәлімдеген. Ол Ресейді келісімді бұзып отыр деп айыптады. 500-ден 5500 шақырымға ұшатын зымырандардан бас тарту жөніндегі келісімге 1987 жылы қол қойылған.
Abai.kz
