Өзбекстандағы ақпарат құралдарының хабарлауынша, бұған дейін Өзбекстанда бұғаттаулы болған мессенджерлер мен видеохостинг VPN-қосымша және прокси-серверлерсіз (анонимайзерлер) жұмыс істеп тұр.
Әлеуметтік желілерге еркін кіруге болатынын барлық интернет-провайдер тұтынушылары растады. Соған қарағанда, әлеуметтік желілерді кезінде барлық провайдерлер бір уақытта бұғаттаған болуы керек. Соған қарамастан тұрғындар VPN және прокси-сайттар қолдануды үйреніп, бұғатталған сайттарға кіре алды.
Айта кетерлік жайт, елдегі ірі мемлекеттік ақпарат агенттіктері мен министрліктерде Facebook және YouTube ешқандай VPN мен анонимайзерсіз ашылып тұрған.
Өзбекстанда Facebook желісі өткен жылы күзде ашылмай қалды. Одан соң YouTube ашылуды қойды.
20-22 қаңтарда президент Шавкат Мирзияев Германияға сапармен барады. Бірқатар қолданушылар елдегі мұндай өзгерістерді осы сапармен байланыстырып отыр.
Abai.kz
