Алматыда Қазақстан Президентінің Қазақстан халқына жолдауын жүзеге асыру аясында "Арчери - биатлон" спорт түрі Қазақстанда жаңадан спорттық сабақ ретінде енгізіліп отыр. Бұл спорт түрі бұрын-соңдя Қазақстанда болмаған. Тұңғыш рет елімізде өткізілуде. Спорттық іс-шарада 1 облыстық балалар үйінің тәрбиеленушілері, 21 мектеп-гимназиясының оқушылары, 8 АКТжФ колледжінің студенттері, жалпы білім беретін 19 және 44 мектеп оқушылары қатысты. Дәстүрлі биатлоннан"Арчери-биатлонының аёырмашылығы садақ және жебені қолдану. Осы спорттың түрін өткен ғасырда италиялықтар ойлап тапқан және бұл жарыс түрі бірінші рет Австрия мен Италияда өткізілген. "Әскери-патриоттық тәрбие жастардың патриоттық сезімін қалыптастыру бойынша ең маңызды тәрбие құралдарының бірі болып табылады. Спорттық жарыстарда командалық жарысқа түсу жаңа жетістіктерге жетуге, достық және бауырмашылдық сезімді оятуға, ұжымдық бірлестікті, жалпы қызығушылықты, бірлікке ұмтылуға шақырады", - деді Алматы қаласы бойвнша Әскери-патриоттық клубтың жетекшісі Бақытжан Перимбет.

Abai.kz