Министрлік мәліметі бойынша, Қырғызстаннан картоп, алма және құрма әкелуге шектеу қойылса, Өзбекстаннан анар тасуға тыйым салынған. "Соңғы уақытта тазалық ережелері сақталмаған өнімдер көбейіп кетті" делінген министрлік хабарламасында.

2018-2019 жылдар аралығында Қазақстанға Қырғызстаннан әкелінетін жүктерден 465 мәрте тазалық ережесі бұзылғаны анықталған. Соңғы айта Өзбекстаннан тасылған анардан екі мәрте Комсток құрты түскені байқалған.

Қырғыз шаруалары картопты қайда өткізетінін білмей отыр. Ыстықкөл облысында шамамен 500 мың тонна картоп сатылмай қалған. Қырғыз шенеуніктері өнімді Алматы базарларына тасымалтау туралы келіссөздер жүріп жатқанын хабарлады.

Abai.kz