Қарағандыда Ұлы Отан соғысының ардагерлеріне арнап Қазақстанның халық әртісі Гауһар Мырзабекова мен Қазақстан камералық оркестрінің пианисі Тимур Орманшиев қайырымдылық концертін берді.

Классика өнерінің тарландары бұған дейін еліміздің үш қаласында, дәлірек айтсақ Талдықорған, Алматы, Шымкент қалаларында өнер көрсеткен. Қорытынды концерт Астанада өтпек. «Дегдар» қайырымдылық қоры ұйымдастырған мәдени шараға барлығы 1500 ардагер шақырылды. Бұл кеште музыканттар скрипка мен күйсандықтың әуенін үндестіріп, отандық және шетелдік композиторлардың классикалық шығармаларын орындады. Өнер иелері сонымен қатар, жас музыканттарға шеберлік сабағын өткізді.

Гаухар Мырзабекова, скрипкашы:
- Қан майданда от кешіп жүріп, бізге бейбіт күнді сыйлаған батыр аталарымызға құрмет көрсету әрқайсымыздың азаматтық парызымыз деп білемін. Біздің репертуарымыздағы шығармалар ардагерлердің көңіл-күйін көтеріп, рухани ләззат сыйлады деп сенеміз.

Тимур Орманшиев, пианист:
- Қарағандылық тыңдарманның классикалық туындыларға шөліркеп қалғандығы байқалып тұр. Залда ине шаншар орын болмады. Біз үшін бұл үлкен құрмет, қуаныш.

khabar.kz

Қарағандыда Ұлы Отан соғысының ардагерлеріне арнап Қазақстанның халық әртісі Гауһар Мырзабекова мен Қазақстан камералық оркестрінің пианисі Тимур Орманшиев қайырымдылық концертін берді.

Классика өнерінің тарландары бұған дейін еліміздің үш қаласында, дәлірек айтсақ Талдықорған, Алматы, Шымкент қалаларында өнер көрсеткен. Қорытынды концерт Астанада өтпек. «Дегдар» қайырымдылық қоры ұйымдастырған мәдени шараға барлығы 1500 ардагер шақырылды. Бұл кеште музыканттар скрипка мен күйсандықтың әуенін үндестіріп, отандық және шетелдік композиторлардың классикалық шығармаларын орындады. Өнер иелері сонымен қатар, жас музыканттарға шеберлік сабағын өткізді.

Гаухар Мырзабекова, скрипкашы:
- Қан майданда от кешіп жүріп, бізге бейбіт күнді сыйлаған батыр аталарымызға құрмет көрсету әрқайсымыздың азаматтық парызымыз деп білемін. Біздің репертуарымыздағы шығармалар ардагерлердің көңіл-күйін көтеріп, рухани ләззат сыйлады деп сенеміз.

Тимур Орманшиев, пианист:
- Қарағандылық тыңдарманның классикалық туындыларға шөліркеп қалғандығы байқалып тұр. Залда ине шаншар орын болмады. Біз үшін бұл үлкен құрмет, қуаныш.

khabar.kz