Маусымның аяғынан бастап 17 шілдеге дейін Өзбекстанға 145 млн кВт/с берілген. Келісім шарттарына сай, Қазақстан тұтынушыларына электр қуатын алуда басымдық беріледі. Қандай да бір техникалық ақаулар болған жағдайда, өзбек тұтынушылары үшін шектеу енгізіледі.
Өзбекстан 69 млрд киловатт-сағат электр қуатын тұтынады, республикадағы жылу электр станциялары мен су электр станциялары 64 млрд киловатт-сағат өндіреді. Сарапшылардың болжамына қарағанда, 2030 жылға қарай елде электр қуатына сұраныс 117 млрд киловатт-сағатқа өседі.
Электр қуаты дефицитін шешу үшін үкімет атом электр станциясын салуды жоспарлап отыр. Бірақ елдегі мамандар мен әлеуметтік желі қолданушылары АЭС құрылысына қарсы шықты.
Abai.kz
