Протекционизм - билікке деген сенімді жоққа шығаратын, рухани-қоғамдық нигилизм тудыратын құбылыс.

Протекционизмнің мән-мағынасы, басшылар өздерінің туған-туыстарын, қызметтік құзырын пайдалана отырып, шенді-шекпенді орындарға қояды.

Біздің, Қазақстанның жағдайында мемлекеттік ресурстар халықтың бақылауынан тыс болғандықтан, мемлекеттің (халыққа тиесілі) ресурстарының майлы жілігін сүліктей соруға мүмкіндік береді. Халықтың биліктен көңілін қалдырып, жүрегін айнытатын жері осы.

Халық бәрін біледі. Көріп отыр. Көзі ашық, көкірегі ояу.

Кешегі Шымкенттің әкімі Лондоннан жіберген елге "үшбу сәлемінің өзінде" халықтың емес "ағаларының" арқасында басшы болғандығын болжап білуге болар... Ең сорақысы, осы тенденция жоғарыдан бастап, ортаңғы, төменгі дәрежеге дейін дендеп кеткен. "Балық басынан шіриді" деген осы.
Облыстың әкімі, ауданның әкімі, ауылдың әкімі сол жоғарғы жақ картинасының көшірмесі. Кішірейтілген ксерокопия. Өкінішті, запыранды, болашаққа балта шабатын тенденция...

Ерлан Саиров

Abai.kz