Қызылорда облысының Шиелі ауданында 1200 басқа арналған тауарлы сүт фермасы салынып жатыр, - деп хабарлайды Абай-ақпарат.

Сонымен қатар 20 гектарды аумақты құрайтын кешеннің жанынан сүт өңдеу зауытын ашу жоспарланып отыр. Алдағы уақытта аталған кәсіпорын жұмысын бастағанда тәулігіне 24 тонна дайын өнім шығаруы тиіс. Жобаның жалпы құны 2,5 миллард теңгені құрайды.

- Өздеріңіз білесіздер Елбасының алдағы 5 жылдың көлемінде біздің ауылшаруашылығында еңбек өнімділігін 2,5 есе арттыру жөнінде тапсырмасына сәйкес қайта өңдеуге үлкен бетбұрыстар жасалып жатыр. Шиелі ауданында қазір 3 шағын сүт өңдеу цехтары жұмыс істейді. Қазір сүт өнімдерін өңдеп жатырмыз. Бұл әрі қарай жалғасын табатын болады, - дейді Шиелі ауданының әкімі Әшім Оразбекұлы.

Іргелі кәсіпорын іске қосылғанда қосымша жаңадан жұмыс орындары ашылып, өңірдің азық-түлік қауіпсіздігін қамтамасыз етуге мүмкіндік бермек.

Abai.kz