Мерзімінен бұрын сайлау өткізу жөнінде заң жобасы Өкілдер палатасында дауыс беруге шығарылып, оны 438 депутат – басқарушы Консервативті партияның өкілдерімен қатар оппозициялық лейбористтер де қолдады. Заң жобасына енді Лордтар палатасы да дауыс беруі керек.
Премьер-министр Борис Джонсон Брекзит мәселесі бойынша тұйықтан шығудың жалғыз жолы парламент сайлауын өткізу деп мәлімдеген.
Осыған дейін оның парламентті тарату бойынша ұсынысы өтпей қалған.
Еуропа одағы Брекзиттің мерзімін алдағы 31 қаңтарға дейін жылжытты. Джонсон оған дейін сайлау өткізу керектігін, егер консерваторлар жеңіске жетсе, ЕО-дан шығу туралы келісім ратификацияланады дейді. Қазіргі парламент келісімді қабылдаған емес.
Abai.kz
