بۇگىن الاشتىڭ ارداقتى ۇلى تۇرسىن جۇرتباي 60 جاسقا تولادى. 1951 جىلى شىعىس قازاقستان وبلىسى اباي اۋدانىنا قاراستى شاعان اۋىلىندا دۇنيەگە كەلگەن ول 1968 جىلى ج.مولداعاليەۆ اتىنداعى ورتا مەكتەپتى بىتىرەدى. سول جىلى جوو-نا تۇسۋگە مۇمكىندىگى بولماعان بوزبالا تۇرسىن اباي اۋدانىنا قاراستى «قىزىلتۋ» كەڭشارىنىڭ 13-بولىمشەسىندە بۋحگالتەر-ەسەپشى بولىپ قىزمەت ەتەدى. تەك ءبىر جىلدان سوڭ عانا قازiرگi ءال-فارابي اتىنداعى قازاق مەملەكەتتiك ۇلتتىق ۋنيۆەرسيتەتiنiڭ جۋرناليستيكا فاكۋلتەتiندە وقۋ مۇمكىندىگىنە يە بولادى (1969-1974).

بۇگىن الاشتىڭ ارداقتى ۇلى تۇرسىن جۇرتباي 60 جاسقا تولادى. 1951 جىلى شىعىس قازاقستان وبلىسى اباي اۋدانىنا قاراستى شاعان اۋىلىندا دۇنيەگە كەلگەن ول 1968 جىلى ج.مولداعاليەۆ اتىنداعى ورتا مەكتەپتى بىتىرەدى. سول جىلى جوو-نا تۇسۋگە مۇمكىندىگى بولماعان بوزبالا تۇرسىن اباي اۋدانىنا قاراستى «قىزىلتۋ» كەڭشارىنىڭ 13-بولىمشەسىندە بۋحگالتەر-ەسەپشى بولىپ قىزمەت ەتەدى. تەك ءبىر جىلدان سوڭ عانا قازiرگi ءال-فارابي اتىنداعى قازاق مەملەكەتتiك ۇلتتىق ۋنيۆەرسيتەتiنiڭ جۋرناليستيكا فاكۋلتەتiندە وقۋ مۇمكىندىگىنە يە بولادى (1969-1974).
جۋرناليستتىك قىزمەت جولىن (1974-1976) الماتى وبلىستىق جەتiسۋ گازەتiنىڭ ءتىلشىسى بولۋدان باستاعان تۇرسەكەڭ بۇگىندە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتiنiڭ جانىنداعى وتىرار كiتاپحاناسى عىلىمي ورتالىعىنىڭ ديرەكتورى. ايتسەدە ديرەكتور بولا تۇرا وزگە قاتارلاستارى سياقتى جالتاقتاپ جاعىمپازدانعان جوق. ماسەلەن، جارامساقتار «ەلىمىزدە ەلباسىنى الماستىرا الاتىن جان جوق» دەپ شۋىلداپ جاتقاندا تۇرسەكەڭ: «بىزدە پرەزيدەنتتىككە مۇراگەر ىزدەۋ قىلمىسپەن پارا-پار سانالادى» دەپ «وزگەشە» وي ءوربىتتى. «الاشتىڭ اماناتىنا ادال بولامىز، ونى جۇزەگە اسىرامىز دەسەك، قازاقستان حالقى اسسامبلەياسىن ءوزىنىڭ ورنىنا قويۋىمىز كەرەك. حالىق اسسامبلەياسى جالعان عىلىم، جالعان يدەولوگيا، جالعان ناسيحاتتى دامىتىپ وتىر. قازىرگى كەزدە قوعامدىق نارازىلىقتى دا تۋدىرىپ وتىرعان وسى اسسامبلەيا. قازاقستان حالقى اسسامبلەياسى تارقاتىلماي قازاق تولىق تاۋەلسىز مەملەكەت بولمايدى» دەگەن دە الاشتانۋشى اعامىز بولاتىن.
«امانات» ينتەللەكتۋالدى پىكىرسايىس كلۋبىندا وتكەن دوڭگەلەك ۇستەلدىڭ بىرىندە سەناتور عاريفوللا ەسىم اعامىزدى «تۇرسىن قايعى» دەپ اتاعان بولاتىن. كەيىنىرەك تۇرسىن اعامىز بۇل تۋراسىندا «جازۋشىنىڭ مىندەتى شىمىركەندىرۋ، ويلانتۋ. قازىر شىمشىماساڭ شىمىركەنبەيدى. بۇل دا ءبىر ادەبي ءتاسىل. ايتپەسە، سەناتور عاريفوللا ەسىم ايتقانداي، «تۇرسىن قايعى» اتانىپ، اتىمدى شىعارايىن دەگەن ويىم جوق. «قايعى شىعار ىلىمنەن» دەگەن دە بار ەمەس پە. سونى اكادەميكتەر نەگە ەسكەرمەيدى ەكەن. الدە... ولاردا ۋايىم بولماي ما؟» دەگەن-ءدى.
ال قازىرگى بيلىككە كوزقاراسىڭىز قالاي دەگەن وقىرماننىڭ ساۋالىنا ول: «بۇرىنعىشا باسقارۋعا بولمايتىنىن بىلەدى، ءدال بۇگىن قالاي باسقارىپ جاتقانىن ءوزى دە بىلمەيدى، ەرتەڭگى كۇندى ەلەستەتكىسى كەلمەيدى. انىعى: ولار حالىقتان ىرگەسىن اجىراتىپ الدى، عىلىمدى دا، ءبىلىمدى دە، مادەنيەتتى دە بەتىنە جىبەردى. تەك «اقشا» كىرىپ-شىعاتىن ءىندى عانا اڭدىپ وتىر. اشىق مۇحيتقا بەت العان ايسبەرگ سياقتى جاعادان الىستاپ بارادى. وقشانتايداعى وقسىز پاترونداردى اۋىستىرۋدى عانا ەرمەككە اينالدىرعان سياقتى» دەپ جاۋاپ بەرگەن ەكەن. وسى جانە وزگە دە ماسەلەلەرگە بايلانىستى ايتقان سىندارىنا قايران قالعان الدەبىر وقىرمان: «اپىر-اي، مىنا جۇرتباي جۇرەك جۇتقان ەكەن. وتكەن تاريحتى «ءۇيسىن مەملەكەتىنەن»، بۇگىنگى تاريحتى 1991 جىلدان باستاپ وتىر دەپ اشىق ايتىپتى. ناعىز زيالى وسى تۇرسىن ەكەن، باتىر ەكەن، كوزىم جەتتى. قازاقتىڭ زيالىسى ولمەپتى، ءتاۋبا، بار ەكەنبىز، نار ەكەنبىز، ريزامىن!!!» دەپ اعىنان جارىلعان عوي.
سول ارىستاي اعامىز مىنە 60 جاسقا تولىپ وتىر. ءبىزدىڭ ماقسات اعامىزدى ماقتاۋ ەمەس. ءبىزدىڭ مىندەت «الاش اماناتىن ارقالاعان ازاماتتىڭ» 60 جاسقا تولعانىن جۇرتشىلىققا حاباردار ەتۋ. مەرەيلى مەرەكەڭىز قۇتتى بولسىن!