سۇقباتتىڭ باستى ماقساتى، مەنىڭشە، فەيسبۋك ميسسياسى جايلى كوبىرەك ايتىپ، ونى ءارتۇرلى ەلدەردىڭ الدىندا اقتاپ الۋ بولىپ وتىر. وزدەرىڭىزگە بەلگىلى، سوڭعى كەزدەرى فەيسبۋككە ايىپپۇلدار كوپ سالىنىپ كەتتى. سولاردىڭ ءبىرى ءارى ءىرىسى اقش ۇكىمەتى تاراپىنان بولدى. فەيسبۋككە قولدانۋشىلاردىڭ جەكە اقپاراتىن دۇرىس ساقتاي الماعانى ءۇشىن 5 ميلليارد اقش دوللارى كولەمىندە تولەۋگە مىندەتتى.

اڭگىمە بارىسىندا جاساندى ينتەللەكتىنىڭ ادام ءۇشىن ەمەس، ادامدى باقىلاۋ ءۇشىن كوبىرەك قولدانىلىپ كەتۋ قاۋپى جايلى قىزىق ارگۋمەنتتەر ايتىلدى. راسىندا، جاساندى ينتەللەكت ءبىزدىڭ، قاراپايىم تۇتىنۋشىلاردىڭ، نەنى قالايتىنىمىزدى، قانداي جول تاڭداپ، قانداي تاۋاردى ساتىپ الاتىنىمىزدان باستاپ، كىمگە ۇيلەنىپ، قانداي ءدىندى تاڭداپ، قاي ومىرلىك پرينتسيپتەردى يەمدەنۋگە دەيىن ءبىز ءۇشىن شەشىم قابىلداۋعا دەيىن جەتكەلى جاتىرمىز. ءبىر سوزبەن ايتقاندا، ءبىزدىڭ ويلاۋ قابىلەتىمىزدى ولشەپ، دۇرىس شەشىمدەر ۇسىناتىن الگوريتمدەر قۇرىلىپ جاتىر. ال ونداي جاساندى ينتەللەكت Facebook, Google سىندى الىپ كورپوراتسيالاردىڭ قولىندا. ولار ونى گۋمانيتارلىق ماقساتتا قولدانا ما الدە كوممەرتسيالىق ماقساتقا باعىتتاي ما؟ سول ماسەلە قازىرگى تاڭدا اكتۋالدى بولىپ وتىر.

يۋۆال ءحاراريدىڭ ەكى كىتابىن وقىدىم. ول تاريحشى رەتىندە Sapiens كىتابىن تاماشا جازعان. ال Homo Deus كىتابىنان ونىڭ تاماشا فۋتۋرولوگ ەمەس دەپ ايتار ەدىم. ول ءوز سۇقباتتارىنىڭ بىرىندە sci-fi-عا وتە قىزىعاتىندىعىن، سول سەبەپتى سوڭعى ەكى كىتابى بولاشاققا باعىتپەن جازىلعانىن ايتقان ەدى. ءۇشىنشىسى "XXI عاسىرعا 21 ساباق" دەپ اتالادى. وعان ءالى قولىم جەتە قويعان جوق.

جولداس ءورىسبايدىڭ facebook پاراقشاسىنان

Abai.kz