اپتا سايىن بولماسا دا، اي سايىن وڭتۇستىكتىڭ اۋىلدارىن ارالايمىن.
ودان قالسا الا جازداي قازاقستاننىڭ سولتۇستىگى مەن شىعىسىن ارالادىم.

2019 جىلدىڭ باسىنان "شىمكەنت ادالدىق الاڭى" جوباسىنىڭ جۇمىستارىنا بەلسەنە ارالاستىم.
پارتيا مۇشەسى بولماسام دا «نۇروتان» پارتياسى شىمكەنت قالالىق فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەسىنە مۇشەلىككە شاقىرىپ ەدى. باس تارتپادىم.

بىرەر كۇن بۇرىن سول قوعامدىق كەڭەستىڭ قۇرامىندا ازاماتتاردى قابىلداۋعا قاتىستىم. باق جانە الەۋمەتتىك جەلىلەر ارقىلى قانشاما حابارلاندىرۋ بەرىلسە دە، قابىلداۋعا 1-اق ازامات كەلدى. ونىڭ ءوزىن مەن ارنايى شاقىرعام.
(30 جىل مۇعالىم بولىپ ىستەگەن باسپاناسىز ارىپتەسىم. كۇيەۋى 1-توپتاعى مۇگەدەك. ازامات بولىپ قالعان 2 ۇلى بار ەكەن - ەكەۋى دە جۇمىسسىز)
ميلليون! تۇرعىنى بار قالادا - 2 ساعات ىشىندە قابىلداۋعا 1! عانا ازامات كەلدى.

وسىدان-اق وزدەرىڭىز وي تۇيە بەرىڭىزدەر. تەك "حالىقتا ەش پروبلەما جوق. ءبارىن شەشىپ تاستاعانبىز" دەپ جۇرمەڭىزدەر.

جۇرگەن جەرىمدە ادامداردىڭ كوڭىل-كۇيىن زەرتتەيتىنىم بار...
حالىق بيلىك وكىلدەرىنە دە، ۇلكەندى-كىشىلى دەپۋتاتتارعا دا، ساياسي پارتيالارعا دا، جانە "ويان، قازاق" دەپ جۇرگەن ءتۇرلى قوزعالىستاردىڭ ءبىر دە بىرەۋىنە سەنۋدەن قالعان..

"ۇلتتىق سەنىم كەڭەسى" قۇرىلعاندا حالىقتا ءبىر ءۇمىت پايدا بولىپ ەدى.
قازىر ول ءۇمىت تە كۇن وتكەن سايىن كومەسكىلەنىپ، ەل اراسىندا "قوس بيلىك" تۋرالى قاۋەسەت بەل الىپ بارا جاتىر.

"قوس بيلىك جوق" دەگەن قۇرعاق سوزبەن حالىقتى سەندىرۋ قيىن.

نە ىستەۋ كەرەك؟

بولاتىن نارسە بولماي قويمايدى.
سوندىقتان، ۇلتتىق سەنىم كەڭەسى حالىقتىڭ سەنىمىنەن ءبىرجولا ايىرىلىپ، ءۇمىتىن سوندىرگىسى كەلمەسە، ەشكىمگە جالتاقتاماي قۇرىلعانداعى ماقساتى باعىتىندا باتىل ارەكەتكە كوشكەنى ءجون. ايتپەسە، بىرەر ايدا وزدەرىنە بەرىلگەن "سەنىم ءليميتىن" ولار دا ءبىرجولا تاۋىسادى.
قۇداي ۇمىتسىزدىكتەن ساقتاسىن!
قىرعىزدىڭ 2 توڭكەرىسى دە، بيلىكتىڭ حالىقتىڭ سەنىمنەن ايىرىلۋىنىڭ جەمىسى ەدى.
قازاق بيلىگى سودان ساباق المادى.
بىراق ءالى دە كەش ەمەس..
مىناۋ مۇلگىگەن تىنىشتىق الدامشى ەكەنىن ۇمىتپاڭىزدار!

ءومىر شىنىبەكۇلىنىڭ facebook پاراقشاسىنان

Abai.kz