قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسى اياسىندا «تەكتى ءسوزدىڭ تورەسى- تەرمە» رەسپۋبليكالىق جىرشى-تەرمەشىلەر بايقاۋىن وتكىزەدى.

بايقاۋدا قازاقستان رەسپۋبليكاسىنىڭ تۇڭعىش پرەزيدەنتى – ەلباسى  ن.ءا. نازارباەۆتىڭ 2019 جىل جاستار جىلى دەپ جاريالانۋىنا جانە سۇگىر جىراۋ بەگەندىكۇلىنىڭ 125 جىلدىق مەرەيتويىنا وراي تاقىرىپتىق باعىتتارداعى شىعارمالاردى ەلىمىزدىڭ 14 وبلىسىنان جانە نۇر-سۇلتان، الماتى، شىمكەنت قالالارىنان ءبىر-ءبىر ۇمىتكەرلەر ورىنداپ، ءوز باقتارىن سىنايدى.

ۇلتتىق تاربيە مەن حالىقتىق ونەردى ناسيحاتتاۋعا باعىتتالعان بۇل بايقاۋدىڭ باستى ماقساتى جاڭا جىر-تەرمەلەردى تۋدىرۋ ارقىلى جىرشىلىق، تەرمەشىلىك ونەرگە جاڭاشا سەرپىن بەرۋ جانە ادەبي ءتىلدى دامىتۋعا، ءتىل مادەنيەتىن جەتىلدىرۋگە ۇلەس قوسۋ.

ءىس-شاراعا ونەرتانۋشىلار، جىرشى-تەرمەشىلەر، قوعام قايراتكەرلەرى، زيالى قاۋىم جانە باق وكىلدەرى قاتىسادى.

بايقاۋدا جىرشى-تەرمەشىلەرمەن بىرگە تانىمال انشىلەر ونەر كورسەتەدى.

وتكىزىلەتىن ورنى: قىزىلوردا قالاسى،  89,  قازىبەك بي كوشەسى، 21, ا. توقماعامبەتوۆ اتىنداعى مادەنيەت ءۇيى.

وتكىزىلەتىن ۋاقىتى:  2019 جىلعى  9 قاراشا، ساعات – 14:00

Abai.kz