وتكەن تاريحتى قازىرگى ۇرپاق ساناسىندا قايتا جاڭعىرتۋ ماقساتىندا نۇر-سۇلتان قالاسىنىڭ مەملەكەتتىك اكادەميالىق فيلورمونياسى 30 قازان كۇنى «ساق پاتشايىمى زارينا» تەاترلاندىرىلعان قويىلىمىن ساحنالادى.

«رۋحاني جاڭعىرۋ» باعدارلاماسىنىڭ اياسىندا ۇيىمداستىرىلعان تاريحي كەشتە دالا سۇلۋى زارينانىڭ ومىرىندەگى ماڭىزدى ساتتەر كورسەتىلدى.

پارسىلار مەن ساق تايپالارىنىڭ اراسىنداعى ارازدىق، سول كەزدەگى ساق قىزدارىنىڭ ەرلىك ىستەرى كورەرمەندەرگە شىنايى ەموتسيا سىيلادى. اسىرەسە، اڭشىلىقتا ءجۇرىپ جاۋ قولىنا تۇسكەندە پارسى حانزاداسىنا ەسسىز عاشىق بولىپ، بىراق، ەلىنىڭ ەگەمەندىگى ءۇشىن كەلىسىمىن بەرمەگەن پاتشايىمنىڭ قايسار مىنەزى جۇرەكتى ءجىبىتتى.

ال، «سارىارقا» حالىق مۋزىكا ءانسامبىلى ۇلى دالانىڭ سازىمەن كەشتىڭ كوركىن كەلتىردى. ادام بويىنداعى رۋحتى كوتەرەتىن مۋزىكالىق شىعارمالارى كەلگەندەردىڭ دەلەبەسىن قوزدىردى. ءبىز مۇنى كونتسەرت سوڭىنداعى قوناقتاردىڭ ىستىق ىقىلاسىنان بايقادىق.

قوسىمشا: ءبىزدىڭ زامانىمىزدان بۇرىنعى 1 مىڭجىلدىقتا ورتا ازيا مەن قازاقستان اۋماعىن ساق تايپاسىنىڭ مەكەن ەتكەنى تاريحتان بەلگىلى. ولاردىڭ كوشپەلى كەزەڭدەگى كوزسىز ەرلىكتەرى مەن جاۋىنگەرلىك تاكتيكالارى تالاي فيلمدەر مەن كوركەم شىعارمالارعا ارقاۋ بولدى. اسىرەسە، ساق ايەلدەرىنىڭ باتىر بەينەسى جادىمىزدا جاقسى ساقتالعان. ساق ايەلى دەگەندە بىردەن توميريس حانىمنىڭ ويعا ورالارى سوندىقتان بولار. ال، سىر بويىندا «ارۋلار جاساعىن» قۇرعان، ساق پاتشاسىنىڭ قىزى، مەرمەر قولباسشىنىڭ ايەلى بولعان زارينا حانشايىم تۋرالى بىلەتىندەر كەمدە-كەم.

ستسەناري اۆتورى: قۋات ەجەمبەك

مۋزىكا: توعجان جاحين

بالەتمەيستەر: لاۋرا مۇقاەۆا

بالەتمەيستەر اسسيستەنتى: انەل يسلاموۆا

رەجيسسەرى: اسحات قوشاەۆ

جوبا اۆتورى: ساكەن ءابدىراحمانوۆ.

Abai.kz