اقش-تىڭ ادىلەت مينيسترلىگى وتكەن سارسەنبى كۇنى 51 جاستاعى سايرۋس احساني مەن 46 جاستاعى سامان احساني ناۋرىز ايىندا مۇنايگاز كومپانيالارىنىڭ مۇددەسى ءۇشىن شەتەلدەردە كوررۋتسيا جاساعانىن مويىندادى دەپ مالىمدەدى.

مالىمەتكە قاراعاندا، ولار 1999- 2016 جىلدار ارالىعىندا الجير، انگولا، ازەربايجان، كونگو دەموكراتيالىق رەسپۋبليكاسى، يران، يراك، قازاقستان، ليۆيا جانە سيريا ەلدەرىنىڭ شەنەۋنىكتەرىمەن كوررۋپتسيالىق ارەكەتكە بارعان. بۇل جونىندە Reuters اگەنتتىگى اقش پروكۋرورلارىنا سىلتەمە جاساپ حابارلادى.

ازىرگە قازاقستانداعى قانداي كومپانيالار مەن شەنەۋنىكتەرمەن كەلىسسوز جۇرگىزىلگەنى بەلگىسىز. قازاقستان بيلىگى دە بۇل ماسەلەگە تۇسىنىكتەمە بەرمەدى.

اعايىندى احسانيلارعا سوت ۇكىمى كەلەسى جىلدىڭ 20 ساۋىرىندە شىعۋى ءتيىس. ەكەۋى دە بەدەلدى احساني وتباسىنىڭ مۇشەسى. Unaoil كومپانياسىنىڭ نەگىزىن يراننان كەلگەن ەميگرانت اتوي احساني سالعان.

Abai.kz