بۇگىن ۇلتتىق تەڭگە كۇنى دەپ جاتقان سوڭ، ەسىمە وتىرىك-شىنى بەلگىسىز ءبىر اڭگىمە ءتۇسىپ وتىر. وسىدان ونشاقتى جىل بۇرىن ءبىر ازامات (اتى-ءجونىن قازىر اتاي المايمىن) قىزىق سۇراق قويدى.

- تەڭگەدەن نەگە اباي، شوقانداردىڭ سۋرەتتەرى ءتۇسىپ قالىپ، جالعىز ءال-فارابي قالدى؟

-بىلمەيمىن.

-بىلمەسەڭ بىلاي: تەڭگەنىڭ العاش ديزاينىن اعىلشىندارعا جاساتقان. ۋوت، سوندا بىزدىكىلەر تەك ءال-ءفارابيدىڭ كەسكىنىنە عانا قالاماقىسىن بەرىپ، قالعاندارىنىكىن قالتالارىنا باسىپ قالعان.

-سودان؟

-سودان، باسقالارىنا قالاماقىنى ۋاقىتىندا تولەمەگەننەن ۇستەماقى قوسىلعان. ونىسى قىپ-قىزىل اقشا بوپ كەتەدى. بىزدىكىلەردىڭ تاپقان بار امالى اباي، شوقانداردان باس تارتادى. ال، اۆتورلىق قۇقىق الگى اعىلشىنداردىڭ قولىندا ماڭگىلىككە قالدى. بىزگە بۇيىرعانى تەك ءال-فارابي كەسكىنى. ابايلاردى وسى سەبەپتى تەڭگەدە كەسكىندەي المايمىز.

وسى ءسوز ماعان راس سەكىلدى كورىنەدى دە تۇرادى. سول شاقتا، كەيىننەن ۇلتتىق بانكتى باسقارعانداردان تەڭگەدەگى كەسكىن نەگە اۋىستى دەگەندى سۇراپ تا كوردىك، جارىتىپ جاۋاپ ايتپايدى عوي ەشكىم.

رۋسلان ەربوتانىڭ facebook پاراقشاسىنان

Abai.kz