«جاڭا ءالىپبي: ەملە، ادىستەمە جانە حالىقارالىق تاجىريبە» اتتى رەسپۋبليكالىق كونفەرەنتسيا اياسىندا 3 سەكتسيالىق ءماجىلىس ءوتتى.

«جاڭا ءالىپبي جانە ادىستەمە ماسەلەلەرى» سەكتسيالىق وتىرىسىندا
4 سپيكەردىڭ بايانداماسى تىڭدالدى.

ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ قازاق فيلولوگياسى كافەدراسىنىڭ مەڭگەرۋشىسى، ف.ع.ك.، دوتسەنت يسحان بەيبىت جالەلۇلى  «جازۋ-سىزۋ (گرافيكا) وڭتايلى بولۋى ءۇشىن ۇلتتىق ءالىپبي قۇراستىرۋ» تاقىرىبىندا، احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ اعا عىلىمي قىزمەتكەرى، ف.ع.ك. قارشىعاەۆا اينۇر ارالبەكقىزى «قازاق ءتىلىنىڭ ءتول دىبىس قۇرامى»تاقىرىبىندا،قاراعاندى وبلىسىنىڭ تىلدەردى دامىتۋ باسقارماسى جانىنداعى رەسۋرستىق ءتىل ورتالىعىنىڭ ءبولىم مەڭگەرۋشىسى جاقانوۆا جۇپار رىسقۇلقىزى «كاسىبي بىلىكتى ترەنەر تۇلعاسى» ماسەلەسىن كوتەرسە، ال «ءتىل-قازىنا» ۇلتتىق عىلىمي-پراكتيكالىق ورتالىعىنىڭ ادىستەمە باسقارماسىنىڭ اعا عىلىمي قىزمەتكەرى، ف.ع.ك.ساليما كەنجەمۇراتقىزى «جاڭا قازاق ءالىپبيىن مەڭگەرتۋ جۇمىستارى» تاقىرىبىندا  بايانداما جاسادى.

سونىمەن قاتار احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ عالىمدارى ءامىرجانوۆا ءنازيرا سەرىكقىزى، سەيىتبەكوۆا اينۇر اتاشبەكقىزى جاڭا ەملەنى وقىتۋ ادىستەمەسى توڭىرەگىندە ءوز ويلارىن ورتاعا سالدى.

سەكتسيا وتىرىسىنا احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ ماماندارى، ى.التىنسارين اتىنداعى ۇلتتىق ءبىلىم اكادەمياسىنىڭ عالىمدارى، ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ قازاق فيلولوگياسى كافەدراسىنىڭ مەڭگەرۋشىسى، قاراعاندى وبلىسىنىڭ تىلدەردى دامىتۋ باسقارماسى جانىنداعى رەسۋرستىق ءتىل ورتالىعىنىڭ ءبولىم مەڭگەرۋشىسى، نۇر-سۇلتان قالاسى اكىمدىگىنىڭ تىلدەردى دامىتۋ جانە ارحيۆ ءىسى باسقارماسى «رۋحانيات» كوممۋنالدىق مەملەكەتتىك مەكەمەسىنىڭ  قازاق ءتىلى ماماندارى مەن ادىسكەرلەرى قاتىستى.

«كىسى ەسىمدەرى مەن گەوگرافيالىق اتاۋلاردىڭ جاڭا الىپبيدەگى تاڭبالانۋى» سەكتسيالىق وتىرىسىندا ا.بايتۇرسىنۇلى اتىنداعى ءتىل ءبىلىمى ينستيتۋتىندا ازىرلەنگەن «قازاقستان گەوگرافيالىق اتاۋلارىنىڭ لاتىن گرافيكاسى نەگىزىندە جازىلۋ ەرەجەلەرى» جانە «قازاقستان ازاماتتارى اتى-جوندەرىنىڭ لاتىن گرافيكاسى نەگىزىندە جازىلۋ ەرەجەلەرى» جوبالارى تالقىلاندى. وتىرىسقا قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى ورفوگرافيالىق جۇمىس توبىنىڭ، تەرمينولوگيالىق جۇمىس توبىنىڭ مۇشەلەرى، قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيا كوميسسيانىڭ مۇشەلەرى قاتىستى.

جوبانى ازىرلەۋشى ف.ع.د.، قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبىنىڭ مۇشەسى رىسبەرگەن قىزدارحان جينالعانداردى ەكى جوبامەن تانىستىرىپ شىقتى. سونداي-اق، تاۋەلسىز ساراپشىلار جانە «ءتىل-قازىنا» ۇلتتىق عىلىمي-پراكتيكالىق ورتالىعىنىڭ عىلىمي كەڭەسى ۇسىنعان سىن-پىكىرلەرگە توقتالىپ ءوتتى.

ورفوگرافيالىق جۇمىس توبىنىڭ مۇشەلەرى جانار قوڭىراتباەۆا مەن  نۇرساۋلە رساليەۆا ەرەجە جوبالارىنا بايلانىستى ساراپتاما قورىتىندىلارىن وقىدى. ساراپشىلار ەكى جوبانىڭ مازمۇندىق جاعىنا، سونداي-اق ەرەجەگە قويىلاتىن جالپى تالاپتارعا ساي كەلۋىنە بايلانىستى پىكىرلەرىن ءبىلدىردى. جوبالاردىڭ ستيلىنە، قۇرىلىمىنا بايلانىستى ءوز ۇسىنىستارىن ءبىلدىرىپ، ەرەجەنىڭ كەيبىر ءالى دە تولىقتىرۋدى قاجەت ەتەتىن تۇستارىن اتاپ كورسەتتى.

جارىسسوزدە قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبىنىڭ مۇشەسى، ف.ع.د. بەكجان ءابدۋاليۇلى، قۇقىق قورعاۋ ورگاندارى اكادەمياسىنىڭ جوعارى وقۋ ورنىنان كەيىنگى ءبىلىم بەرۋ ينستيتۋتىنىڭ دوتسەنتى، ف.ع.ك. باۋىرجان ەسىمسەيىتوۆ جوبانىڭ جالپى مازمۇنىنا بايلانىستى پىكىرلەرىن ءبىلدىردى. ورىس تىلىندە بۇرمالانىپ جازىلعان گەوگرافيالىق اتاۋلار مەن كىسى ەسىمدەرىنىڭ قازاق تىلىندەگى دۇرىس نۇسقاسىن بەرۋ قاجەتتىگى باسا كورسەتىلدى.

كونفەرەنتسيا اياسىندا لاتىن ءالىپبيىنىڭ  مينيسترلىككە ۇسىنىلعان نۇسقالارى ساراپتالدى. ولار:  ەسكەندىر تاسبولاتتىڭ جوباسى، ماناس ساپارباەۆتىڭ جوباسى، نۇرلان تۇلتەباەۆ جوباسى, ابزال داۋرەنبەكۇلىنىڭ جوباسى. وسى جوبالار بويىنشا ورفوگرافيالىق جۇمىس توبىنىڭ مۇشەلەرى، عالىمدار جانتاس جاقىپوۆ، قارلىعاش سارەكەنوۆا، زەينەپ بازارباەۆا، جانار  جۇماباەۆالار عىلىمي ساراپتاما جاسادى. سونىمەن بىرگە بۇل ءالىپبي جوبالارىنا اقپاراتتىق سۇيەمەلدەۋ جانە تەحنيكالىق جەتىلدىرۋ جۇمىس توبىنىڭ مۇشەلەرى، ءىت ماماندار رىمبەك ىزعالي، ارشات وراز وزدەرىنىڭ ويلارىن ايتتى.

Abai.kz