قازاقستان رەسپۋبليكاسى سەناتىنىڭ توراعاسى داريعا نازارباەۆا ارمەنياعا رەسمي ساپار اياسىندا ارمەنيا رەسپۋبليكاسىنىڭ پرەمەر-ءمينيسترى نيكول پاشينيانمەن كەزدەستى.

تاراپتار اڭگىمە بارىسىندا ەكىجاقتى قارىم-قاتىناستاردى دامىتۋ، ساۋدا-ەكونوميكالىق ىنتىماقتاستىقتى كەڭەيتۋ، مادەني-گۋمانيتارلىق سالاداعى ءوزارا ءىس-قيمىل ماسەلەلەرىنە توقتالدى.

داريعا نازارباەۆا ءوزارا ساۋدا كولەمىن ۇلعايتۋ، تاۋار اينالىمى مەن الۋاندىعى قۇرىلىمىن كەڭەيتۋ قاجەتتىگىن اتاپ ءوتتى. 2018 جىلدىڭ قورىتىندىسى بويىنشا قازاقستان مەن ارمەنيا اراسىنداعى سىرتقى ساۋدا اينالىمى 33,9 پايىزعا ارتقان بولاتىن.

«بۇل كەلەشەكتە تاۋار اينالىمىنىڭ ۇلعاياتىنىن كورسەتەدى، بولاشاقتا ءوزارا ساۋدا كولەمىن ارتتىرۋعا ماڭىزدى ۇلەس قوسادى. قازاقستان ونىمدەرىن ەكسپورتتاۋدا ارمەنيا نارىعى زور ىقىلاس تۋعىزادى. ءبىز ماشينا جاساۋ، مەتاللۋرگيا، تاماق ونەركاسىبى، قۇرىلىس ماتەريالدارى جانە حيميالىق ونىمدەر سياقتى سالالاردا ەكسپورت كولەمىن ۇلعايتۋعا دايىنبىز»، - دەدى ول.

نيكولاي پاشينيان ءوز كەزەگىندە ارمەنيانىڭ قازاقستانمەن ەكونوميكالىق بايلانىستارى تۋرالى ايتا كەلىپ، ولاردى دامىتۋدىڭ زور الەۋەتى مەن پايدا تۇسەتىن ءتۇرلى سيپاتتا ىسكە اسۋى ىقتيمالدىعىن اتاپ ءوتتى.

Abai.kz