بۇعان قوسا، جاۋكەروۆا، اشىراليەۆ جانە دەمەۋوۆا ءبىر جىل ىشىندە 100 ساعات قوعامدىق جۇمىسقا تارتىلادى. سۋديا قۇرالاي دارحانوۆا شەۆچۋكتىڭ كىشكەنە بالاسى بارىن ەسكەرىپ، ونى 100 ساعاتتىق جۇمىستان بوساتتى. سوت شەشىمى ءالى كۇشىنە ەنگەن جوق، ايىپتالۋشى تاراپتىڭ اپەللياتسيالىق شاعىم تۇسىرۋگە قۇقىعى بار.

18 قاراشاداعى سوت وتىرىسىندا پروكۋرور سوتتان ءتورت ايىپتالۋشىنىڭ باس بوستاندىعىن ەكى جارىم جىلعا شەكتەۋدى سۇراعان. ال ايىپتالۋشىلار تاعىلعان ايىپتاردى مويىنداماي، سوتتان وزدەرىن اقتاۋدى سۇراعان.

سوتتا ءىسى قارالىپ جاتقان 30 جاستاعى وكسانا شەۆچۋك، 51 جاستاعى گۇلزيپا جاۋكەروۆا، مەن 36 جاستاعى ءانۋار اشىراليەۆ جازدان بەرى قاماۋدا وتىر. ال 48 جاستاعى جازيرا دەمەۋوۆا كەپىلمەن بوساتىلعان. تامىز ايىندا قازاقستاندىق قۇقىق قورعاۋشىلار جازيرا دەمەۋوۆا، گۇلزيپا جاۋكەروۆا، ءانۋار اشىراليەۆ پەن وكسانا شەۆچۋكتى ساياسي تۇتقىندار تىزىمىنە ەنگىزگەن. قازاقستان بيلىگى ەلدە ساياسي تۇتقىندار بارىن جوققا شىعارادى.

Abai.kz