مەملەكەت باسشىسى ۇلتتىق بانك توراعاسى ەربولات دوساەۆتى قابىلدادى.

قاسىم-جومارت توقاەۆقا بيىلعى 10 اي ىشىندەگى اقشا-نەسيە ساياساتىن جۇزەگە اسىرۋدىڭ نەگىزگى كورسەتكىشتەرى: تولەم بالانسىنىڭ الدىن الا باعالانۋى، ۇلتتىق بانكتەگى التىنۆاليۋتا قورىنىڭ احۋالى مەن ۇلتتىق قوردىڭ اكتيۆتەرى، سونداي-اق، ەلىمىزدەگى قارجى نارىعىنىڭ دامۋى تۋرالى مالىمەت بەرىلدى.

ەربولات دوساەۆ «7-20-25» يپوتەكالىق تۇرعىن ءۇي باعدارلاماسىنىڭ، ەكونوميكانىڭ باسىم باعىتتارىنا جەڭىلدەتىلگەن نەسيە بەرۋ ءىسىنىڭ ىسكە اسىرىلۋى، ەكىنشى دەڭگەيلى بانكتەردەگى اكتيۆتەردىڭ ساپاسىنا تاۋەلسىز باعالاۋدىڭ جۇرگىزىلۋى جايىندا باياندادى.

سونىمەن قاتار مەملەكەت باسشىسىنىڭ زەينەتاقى اكتيۆتەرىن باسقارۋدىڭ تيىمدىلىگىن ارتتىرۋ جانە ولاردىڭ ءبىر بولىگىن باسقارۋ ءۇشىن جەكە كومپانيالارعا بەرۋ جونىندەگى تاپسىرمالارىنىڭ ورىندالۋ بارىسى قارالدى.

كەزدەسۋ قورىتىندىسى بويىنشا پرەزيدەنت بىرقاتار تاپسىرما بەردى.

Abai.kz